விந்தைத்தாய்

சன்னலோர இருக்கை சாட்சியாக

கண்ணில் உறுத்தியதோர் காட்சி!

சிரிக்கும் குழந்தையை மடியிருத்தி,

பாலுட்டி, கொஞ்சி முத்தமிட்டு,

கண்ணேறு கழித்து, எல்லாம் முடித்து,

சட்டெனத் தொடை திருகி,

வீறிட்டழச்செய்த விந்தைமிகு தாயை,

வேதனையுடன் பார்த்திருந்தவேளை…

கந்தலை அள்ளிச்செருகி எழுந்து,

அழும் குழந்தையைக் கையிலேந்தி,

அய்யா,  சாமி, அம்மா…  என்று

அக்கம்பக்க மனிதர்களிடம்,

யாசகம் கேட்கத்தொடங்கியிருந்தாள்,

அவள்!