காற்றுவெளி இதழில் 'என்றாவது ஒரு நாள்' நூல் விமர்சனம்

லண்டனிலிருந்து வெளியாகும் காற்றுவெளி என்னும் கலை இலக்கிய இதழின் இம்மாதப் பதிப்பில் என்னுடைய 'என்றாவது ஒரு நாள்' நூலுக்கான விமர்சனம் வெளியாகியுள்ளதை அனைவரோடும் பகிர்ந்து மகிழ்கிறேன்.

தன்னுடைய தேர்ந்த விமர்சனத்திறமையால் மிக அருமையானதொரு விமர்சனத்தை வழங்கியுள்ள சிறீ சிறீஸ்கந்தராஜா ஐயா அவர்களுக்கு என் மனமார்ந்த நன்றி.

என்னுடைய என்றாவது ஒரு நாள் என்னும் மொழிபெயர்ப்பு நூலைத் தம்முடைய விமர்சன ஆய்வுக்கு எடுத்துக்கொண்டமைக்கும் திறம்பட அலசி நேரியதொரு விமர்சனம் அளித்துள்ளமைக்கும் காற்றுவெளி இதழில் வெளியிட்டு நூலுக்கு சிறப்பு சேர்த்தமைக்கும் அவருக்கு என் நெகிழ்வான நன்றியைத் தெரிவித்து மகிழ்கிறேன்.  

அவர் வழங்கியுள்ள விமர்சனமானது என்னுடைய எழுத்தின் மீதான பொறுப்பை அதிகரித்து மேலும் சிறப்பாக எழுதத் தூண்டும் வகையில் அமைந்துள்ளது என்றால் மிகையில்லை.

மொழிபெயர்ப்பு என்றால் என்ன என்று வாசகர்க்கு விவரமாகவும் எளிமையாகவும் விவரித்து அதன் பல்வேறு அளவுகோல்களையும் கருத்தில் கொண்டு இந்நூலை அலசியமை சிறப்பு.

ஒரு பானை சோற்றுக்கு ஒரு சோறு பதமாக ஒரு கதையை எடுத்துக்கொண்டு அதன் மொழிநடையை சிலாகித்துப் பாராட்டியுள்ளது அவருடைய தேர்ந்த விமர்சனத்திறனுக்கு சான்று.

 

\\இவரை மேலும் ஊக்கப்படுத்துவதன் மூலம் இது போன்ற இன்னும் பல தொகுப்புகளை இவரால் கொண்டுவரமுடியும் என்பதிலும் நாம் நம்பிக்கை கொள்வோமாக!.\\

அவருடைய  ஊக்கம் தரும் இவ்வார்த்தைகள் போதும்..மேலும் சிறப்புடன் செயலாற்ற வழித்துணையாகும். மிக்க நன்றி சிறீ சிறீஸ்கந்தராஜா ஐயா!

காற்றுவெளி இதழின் ஆசிரியர்,  பிரபல எழுத்தாளரும் நூலாசிரியருமான முல்லை அமுதன் ஐயா  அவர்களுக்கும் இவ்வேளையில் என் அன்பான நன்றியைத் தெரிவித்து மகிழ்கிறேன்.

காற்றுவெளியில் விமர்சனத்தை வாசிக்க இங்கே செல்லவும்.